Laer o Durin.
amar neth, celin idh rais.
Bo Ithil ú-dírianner 'waiss,
Ú-estennin pith as sîr egor dôl.
Durin echuias a revias eriol.
Estant in emyn a laid ú-estennin,
Sogant ed eithil ú-hegennin.
Penniel dad Aelheledh glinnas
A cenn rî in-elin, sa thias.
Elin gelebrin, sui mîr bo lîn
Erin dúath e-ndôl dîn.
I amar bain, in emyn toer,
Ebin dant, ned eraid ioer
En-erain velig Nargothrond
Ar Gondolin, bennir na lond,
Nan aear annui bennir pain.
Ned eraid Durin amar bain.
Bo archam chall e aran rîn.
E-gond echennin i thaim dîn.
Pân mallen a celebren ennas,
I chirth velig erin fennas.
I galad Ithil, Anor, Elin
Mi gelair ivrin gwend be-phelin.
Ú-brestannen nan lym en-fuin
Sa hílas vain, an-uir cuin.
Ennas i ndaim nammanner ang,
E-mudad Hedhyd lastanner dhang.
Echennir cheithol engrin gelig,
Echennir 'ryth a gair velig.
Ennas mîr hílol a mîr nim
A tinc echennin sui flâd i-lim.
Heithol, meigol, leng ar thaind
Ar celair ich caedanner laind.
I chedhyd Durin ú-drestennin,
Nuin emyn laer a lind lestennin.
In glirdain linner vain a ganner,
Ar idh rym i 'wilith panner.
In emyn bruin, i amar mith.
I naur e-damin ring sui lith.
Ú-ngannar hi, ú-dhanna dam.
I vôr northa hi, mi tham.
Erin gorthad dîn i lum,
Vi Moria, vi Khazad-dûm.
Dan i elen dadvannen tôl
Mi Aelheledh úwaeren a doll.
Dartha mi nen i rî dîn thurin,
Dartha i arad en-echui Durin.
