Morgoth vi
Angband.
del diriw
Anor dannen,
Or Ered Engrin pant i îdh,
Trî foen
veilu
tiriannen
Ithil
mi chîth.
Angband thinnas nef fuin
Gonathranner menel ah i
ram.
Erui, mi uial
vorn-luin
Morgoth
champ.
Mi nôl dîn i noeth dhuir,
Tiriant i ndýr chairn o
ment.
Cenel in edhil a pain
nuir
Delu
pent:
"Lostar dhínen, lostar,
Mi
chithu i ndýl e-dinc,
Ú-genin en-filig rinc,
Ú-vedir levain, gostar,
Síim ereb a pant in-inc...
Darthar in gwith erenedid
ennas,
Pen-goe, pen-naeg,
pe-chwîn!
Caedathar amar di dail
nîn!
Edhil ú-vronathar mi
bennas
Ah ortherithon erui, în ab în.
In
gwith rimmathar sui
duin,
Nerithar sui alagos
chwind,
Hyn gleinatha avorn i
rind.
Nin gosto, nin gosto
fuin!
Daro annúr, Ithil thind!
Lachatha dagor! Adel
orchoth
Garel i vagol neritha i
dûr,
Siriatha celon garan
en-gûr,
Im erui i gaun vorn, im
Morgoth.
I amar na engwidh no amar dhûr!
Dan
lostar dhínen,
lostar,
Mi chithu i ndýl
e-dinc,
Ú-genin en-filig
rinc,
Ú-vedir levain,
gostar,
Sí im ereb a pant in-inc...
A
galu! Amman
ú-delich?
Gen ú-genin, mas i
glaur?
Trî elegys nin cellich
Ah
enni aphannech iaur!
Ónech enni i
Virion,
Na galad daur im
rîn.
Mas i aglar io?
Ú-dirion.
Amman awarthannech nin?
Af
Fëanor, Eruchin
marad,
Golodhrim orthanner i
leng.
Fëanor gwann, io i
arad,
Dan in edhil, in edhil tenc.
A
mas im? Im mi
'ador!
Idh-Rodyn ammeleg
gwend!
Lachatha, lachatha
dagor,
Edregathon celeg e mbend!
Pân
dínen sí. Dan laston
vragol
Negnir a nguir, tengin nan hûl.
Tíron i aglar e-magol,
Sa en-amar medui thûl.
Ai
law! Auth enni
oltha!
Si sedhir i chuil in-firn,
I 'waew rû hen ú-doltha.
A thinnar in oeth 'irn.
Dan
aglar-lû lagor
anglenna,
Pain tengennin ah anírar
auth.
I dûr veleg na nin
penna.
No cardh, no cardh, i nauth!
Ai
gosto! Drego! Acharn,
acharn!
Dravatha bân dad lith i
erch!
Pain thaiw, 'wanath
lachathar!
A hevithon orthorel erin herch!"
E hend. Lym gaedanner mi 'wilith,
Trî foen cennir
en-Ithil 'irith,
Elen mi 'rûn
sílas trín maur.
I galad valu sirias
vith.
Radanner ed Angband in
gwith
Ah aphanner i melroeg nan
naur.
Ai Morgoth! Hevich mi dhû dínen,
Nauthach
mabathach i thuir?
Cenich si i galan thinnen,
Dan
i galan si ú-'wann an-uir.
Îdh 'aer loda erin iâ dhelu.
Auth en-alagos mathar
mi dhîn.
Pân dínen.. Giro! Gûr mi 'welu.
Ce fíreb.
A thurin i amarth gîn.
