ahtanenyë nuruinen, túrinen...
Nan fëanya sí fira lantaina.
Ni cirya rácina súrinen,
Ni macil lúmessë hehtaina.
Ni pilin lantaina menello,
Ni loico caitala litsissen
Nan yáressë lindali nórellon
Nyë laitaner ilfirini lairissen.
Tiën nenyë estel erya,
Envinyatanen harwentar,
Callo taura ar nér verya,
Ve nillestel or carentar.
Ve esci avánier haranyi,
Ifirier i cantar lúmenen.
Á entulë, lindar i vanwë,
Á hirë i tië yan' elenen!
Poluvan ahya enta lúmessë,
Nan Arda lala meriënya:
I loico untúpina litsessë,
I ciryar nar nu ëar nenya.
Ar sin ambaren ya vinya
I mányat rahtar. Entassë
Hiruvan cé i mardinya
Var nauvan cé mettassë.
Nauvan queno tiëssë ondo
Ar natsë fëan quenwa.
Vanw' aurë ohtar vorondo...
Á apsenë, Ainu linyenwa.
Ve hísië, ve coirenen lossë
Nai firuvanyë, autuvanyë...
Nan i tië ardanna collossë
Ava tana nin, lyë cánanyë.
